Chapha

चाफा वेडा बहरूनी गेला
आगमनाने ऋतुराजाच्या
कुणी सांगे पण त्याच्या कानी
नसे खास हा राजा ऋतुंचा

काय करावे त्यास कळेना
बहरूनी झडला चाफा वेडा
पुन्हा पुन्हा पण त्याच ऋतुचा
बहर यायचा नाही मिटला

अचंबित मग चाफा पुसतो
का यावा हा मजला परिमळ?
का या ऋतुच्या आगमनाने
मज अंगी हे गीत फुलावे?

मलाच पडला प्रश्न खरोखर
उत्तर द्यावे काय बरोबर?

निष्पर्णाच्या फांद्यांमधूनी
उत्तर माझे मलाच खुणवी

ऋतुराजाचा मान असे हा
ऋतुराजाचे भान असे हे
ज्याचे त्याला...
त्याच्या वेळी...